هذا سعودي..هذا كويتي..هذا مادري شنو

السلام عليكم و رحمة الله و بركاته
--------------------------------------------


شلونكم شخباركم يا أحلا أعضاء =) ؟؟

ان شا الله الكل بخير


بصراحة هذا الموضوع كان قاعد على جبدي فقلت أنزله

طبعا كلنا ندش يوتيوب و منتديات و مواقع قد شعر الراس

و دايما تمر علينا هالعبارات::

((هذا مستوى واحد كويتي كذا كذا)) , ((هذا سعودي كذا كذا شتنطرون منه )) , ((هذا اماراتي أكيد بيطلع جذي)) و كلمات بذيئة استحي أقولها ...

طبعا أغلب هذي العبارات ألقاها باليوتويب..

كل واحد يسب الثاني و يسب ديرته و يرد عليه الثاني يسبه و يسب ديرته و كل هذا ليش ؟؟؟؟

عشان مقطع فيديو ؟؟ !!! هذي فلانة كويتية تسوي مادري شنو.. و هذا سعودي..يسوي مادري شنو..


انزين حتى لو كان الفيديو او صوت او صورة فيها قلة حيا او مستواها واطي

يعني كل شخص يمثل ديرته كلها ؟؟ كل شخص مسؤول عن نفسه

مو معقولة مثلا اذا العم كان حرامي العايلة الكريمة كلها حرامية !!!


بكل مكان فيه الزين و الشين و لا شرايكم انتوا؟؟

يعني استغفر الله و نقعد نتحلطم اذا الغرب يضحكون علينا

الله يحفظ خليجنا واحد
و الله لا يفرقنا



أبي رايكم بالموضوع ؟؟؟